Euskeraz bakarrik ez, ekintzaz ere blai hasi dute iraila Euskara Ari Du elkarteko kideak. Bakean dagoena, bakean utzi antzerkia eskaini zuten ostegunean, eta biharko, beste deialdi berezi bat egingo dute. Kale-erronka deitu dute, eguerdiko 12:30etan abiatuko da.
Hasiera batean Zinkoeneatik abiatuko bazen ere, Euskara Ari Du elkarteak abiapuntua aldatu du, eta Plazatik abiatuko da kale-erronka.
Laskurain eta Gojenola, gidariak
Mikel Laskurain eta Miren Gojenolak gidatuko dute kale-animazioa, Ttarla dantza taldearen, Hatzi-Klinbers eta Iraulio Pantallone Bertso Eskolako kideek eta Musika Eskolako ikasleek lagunduta.
Sorpresak, kalean zehar
Plazan hasita egingo dute dinamizazioa Kaxkoko kaleetan zehar, eguerditik. Sorpresatxoak izango dira bidetik, eta bukaera, Tilosetako frontoian egingo dute.
Ekitaldi berezia izango dela iragarri dute, eta horregatik, bertaratzeko gonbidapena luzatu diete bai Baietz Hernanik! egitasmoko erronkalariei, baita hernaniar guztiei ere.