‘Egin Zotz!’ kanpainari gaur emango zaio hasiera, Plaza Berrin

Egin Zotz! Euskal Sagardoa Jatorri Deituraren presentzia haunditzeko kan­paina gaur jarriko da abian Hernanin. 
Hasiera ema­teko Mikel Garaizabal enologo sumilerrarekin pintxopote gi­da­tua an­to­latu da. Aurkez­pena 18:30­­etan egingo da Plaza Berrin, ostegunean, eta bertan egongo dira besteak beste, sagardogileak, Hernaniko Os­ta­lariak, Asier Arrese HAZIko zuzendaria eta Her­nani eta Astigarragako Al­ka­teak.

19:00etan Euskal Pintxo potea izango da, Euskal Sagar­doa eta kalitatezko bertako pro­duktuekin bi euroko prezioan honako tabernetan: Txili (Eusko Labeldun behi hanburgesa), Atxur (Eusko Labeldun Basatxerri hanburgesa), Tripontzi (Eusko Label­dun Lumagorri hamburgesa), Juxto  (Eusko Labeldun Basa­txerri hanburgesa) eta Kixkal (Zubeltzu gilda). 

Tabernaz taberna sagar­­doaren inguruko azal­penak emango ditu Mikel Garai­zabalek, jen­dearen parte har­tzea sustatuz,  Euskal Sagar­doari buruz gehiago ikasteko aukera ere izango da gaur Garaizabal enologo sumillerraren eskutik aipaturiko bost tabernetan. 

Ostegunero sariak ­Euskal Sagardoa hartzen dutenentzat
Horrez gain, ostegunero sa­riak izango dira Euskal Sa­gar­doa hartzen dutenentzat (sa­gardo loteak, kamisetak, au­rreko mantalak, afariak...) eta produktu desberdinak Herna­niko honako tabernetan: Rio­ja, Txili, Garin, Atxur, Joxe Ma­ri, Kixkal, Aralar, Tripontzi, Txoko, Goiz Argi, Akeit, Errio­guarda, Antziola, Eper, Depor­tivo, Karrero eta Juxto.