Aurten bete ditu 25 urte Berriak merkatari eta ostalarien elkarteak, eta hori ospatzeko, Merkataritzaren eta Ostalaritzaren festa egingo dute gaur. Gainera, aprobetxatuko dute herrian erostea sustatzeko, eta herritarrei gogorarazteko «Hernanin topatuko dutela behar duten guztia», azaldu dute.
Komertzioak kalean, goiz eta arratsaldez
Hernaniko kaleetan, bereziki, Kaxkoan komertzioen presentzia areagotzeko asmoz, kalera aterako dira, denera, 109 merkatari eta ostalari. Goizean, 10:00etatik 13:30etara izango dira bertan; eta arratsaldez, 16:30etatik 20:00etara.
Musika eta beste
Ekintza gehiago ere izango dira. Musikak alaituko ditu kaleak, goizeko 11:00etan hasita, eta omenaldia egingo diote Portalondori, 100 urte bete dituelako. Arratsaldean, tailer eta jolasak egingo dituzte, baita Thunder Huntersen kontzertua eta Batukada ere.
EGITARAUA
10:00-13:30, komertzioak kalera! Kaxkoan zehar.
11:00, Musika kaleetan zehar.
13:30, Omenaldia: Portalondok 100 urte.
16:30-20:00, Komertzioak kalera!
16:30-18:30, Tailer eta jolasak: elikagaien etiketak irakurtzen ikastea, aurpegiak margotzea, altxorraren bila...
18:15-19:15, Kontzertua: Thunder Hunters.
19:00, Batukada.