HERNANIKO Udalak eta herriko hainbat eragilek Mugikortasunaren Europako Astea antolatu dute elkarlanean aurten ere. Urtez urte, ekitaldi berriak txertatu dira egitarauan.
Aurten bi berritasun nagusi daude: emisio txikiko ibilgailuen erakusketa Zinkoenean; eta Ipar Martxa berritasunekin. Adin guztietarako egokia den jarduera fisikoa ere mugikortasun egitarauan sartu zen aurreko urtean.
Mertxe Gomez mugikortasun teknikariak eman zuen, aurtengo ekintzen berri. Ohiko ginkana egokituak emango dio hasiera ostiralean. Kotxerik gabeko eguna larunbatean ospatzen da eta Urbieta kalea itxita egongo da, Karrerotik Marielutsera, Patin Festa ospatzeko, 09:00etatik 14:00etara. Ipar martxako ikastaroa eta ibilaldia izango da nobedadea, Atsegindegin.
Beste berritasuna, igandean, emisio txikiko ibilgailuen erakusketa Zinkoenean jarriko dute: ibilgailu hibridoak eta elektrikoak 10:00etatik 14:00etara. Ez du hutsik egingo, Bizikleta Festak ere.
Patin festa, Urbieta kalean
Patin Festako elkarretaratzea, Plaza Berrin egingo da eta 10:30etan hasiko dute ibilaldia. Patinen ginkana 11:30etan egingo da Urbieta kalean eta 12:15etan patinatzaile trebatu eta txapeldunen erakustaldia egongo da leku berean: slalom, saltoak... 13:00etan hamaiketakoa antolatu da partehartzaile guztientzat.
Igandeko bizikleta ibilaldia eta bide-heziketa zirkuitoa 09:30etatik 12:30etara egingo dira.