Kirolek tarte berezia izan ohi dute Donostiako Aste Nagusiak irauten duen astean zehar: waterpoloa, esku pelota, saskibaloia... eta pala ere izan ohi da. Hain zuzen, azken horren bueltan egiten den txapelketan parte hartu zuten Maitane Sarobe eta Nagore Zabala aranoarrak, baita irabazi ere!
Trinitate plazako frontoian jokatu zuten finala larunbatean Amaia eta Ane donostiarren kontra.
Bertan bildu zirenen festa giroak eta eguzki izpiek lagunduta, irabazi egin zieten aranoarrek donostiarrei, 22-15.
Hortaz, txapela janzteko pribilegioa lortu zuten. Parte-hartzaileek ere, etxeratu zituzten hainbat opari, eta nola ez, parte-hartu izanaren poza!