Hamaika tailer eta jolas, hamaika auzotan

Hamaika auzo izango dira ikasturte honetan zehar beren lokaletan hau­rrentzat taile­rrak eskainiko dituztenak: Elizatxo, Portu, Karabel, Lizea­ga, Etxeberri, Ere­ñotzu, La­tsun­­beberri-Marieluts, An­tzio­la, Zikuña­ga, Sorgintxulo eta Martin­degi. 

Ostiralera arte eman dai­teke izena auzo gehienetan, auzo elkarteen lokaletan.

Urrian hasi eta ekainera arte
Udalak babestuta, 5 eta 11 urte bitarteko gaztetxoentzat es­kain­tzen dira tailer hauek, urtero. Ikasturte honetan, urriaren au­rreneko astean hasi, eta ekainaren bigarren astera arte luzatuko dira. Auzo guztietan, tailerrak doakoak dira.

Hamaika auzotan egingo dira aurten tailerrak, auzo elkarteen lokaletan.

Latsunbeberrin, buzoiean
Auzo bakoitzaren lokalean eman behar da izena. La­tsun­beberri-Marielutseko Iturritxo elkarteak zehaztu du, lokaleko buzoiean utzi daitezkeela da­tu­ak: izen-abizenak, adina, hel­bidea eta telefono bat. 

Lizeagako Gibelalde elkar­te­ak, biharko jarri dute zita. Arratsaldeko 19:30etatik 20:30­e­tara bitarte.

Portu auzoko elkarteak, be­rriz, lokalean bertan zerrenda jarri dute, nahi duenak izena eman dezan.