Ikasturte berriarekin batera, laster hasiko dira Jabetze Eskolak ere, beste urte batez. Duo do Portu bikotearen kontzertuarekin emango diote hasiera kurtsoari, irailaren 28an Leokan; eta aurten, zortzi ikastaro edo tailer izango dira aukeran.
Guztietan, gaur bertan zabalduko dute izenematea. Horretarako, hiru bide aukeran: Plaza Feministara jo (Aristizabal kalea 7), 943 33 70 17 telefonora deitu, edo idatzi berdintasuna@hernani.eus helbidera.
«Emakumeok geure eskubideen jabe egiteko, gure bizitzetan autonomia eta konfiantza izateko, eta beste emakumeekin sareak sortzeko espazioa da Jabetze Eskola», diote arduradunek. Aurreratu dute, haurtzaindegi zerbitzua ere izango dela, saioetan.
JABETZE ESKOLAK 2018-2019
*Duo do Portu bikotearen emanaldia Leokako labaderoan: irailak 28, 22:00etan. Ikasturte hasiera.
*Eta martxoaren 8a eta gero zer? Marta Luxan eta Pili Alvarez (eusk). Azaroak 20 eta 29, 17:30-20:30 Plaza Feministan edo Biterin. 6 orduko iraupena; 6 euro.
*Ekonomia Feminista, Amaia Perez eta Silvia Piris (gazt). Azaroak 12, 17:30-20:30 Iturola elkarlan sorgunean. 3 orduko iraupena; 3 euro.
*Konfiantza indartzeko bidea, norbere ardatzetatik jarduteko estrategia, Arantxan Erasun, (gaztelaniaz). Urriak 31-abenduak 12 asteazkenetan, 18:00-20:00 Biterin. 12 ordu, 12 euro.
*Mindfulness, Clara Wolfram (eusk). Irailak 25-azaroak 13 astearteetan, 17:30-19:30 Biterin. 16 ordu, 16 €.
*Feminismo islamiarra, Maya Amrane (gaztelaniaz). Abenduak 14, 17:30etan Biterin. Doan.
*Emakume musulmanen eta ez musulmanen arteko topaketa, Amher Sos Arrazakeria eta Atawafok. Azaroak 9, 18:00-20:00 Biterin.
*Munduko emakumeen literatura, Mertxe Tranche, gaztelaniaz. Urriaren 4tik aurrera, hilean ostegun bat, 18:30-20:30 Plaza Feministan. 16 orduko iraupena, 16 euro.
*Batukada Feminista, Arantxa Vicedo eta Ainara Sarasketa (euskeraz). Urriak 19-San Joanak, ostiraletan, 17:30-19:30 Langile ikastolan (Laubidieta). 32 ordu, 32 euro.