Trapu zati bat Hernanira, Egiazabalekin!

Pronostikoak bete, aurreko igandeko lana borobildu, eta San Juanera eraman zuten Kontxako Bandera atzo, Bate­le­rek. Baina trapu zati bat, Hernanira iritsi zen, Alazne Egi­azabalen eskutik. Atzokoan bai, traineruaren barruan zen, San Juanek hasieratik estro­pa­daren burua hartu, eta Oriori bost segundu aterata ohorezko txanda eta bandera irabazi zi­tuenean. Aurreneko Kontxako Bandera du hernaniarrak, due­la lau urte arraunean hasita.
Uxue Alberdi, berriz, ez zen izan Donostiarrak aukeratuta­ko koadrilan, atzo. Aurreneko txandan aritu ziren, eta se­gun­­du bakarreko aldearekin irabazi zien Hibaikak.
Gizonezkoetan, ezin estua­goa izan zen irabazteko lehia: bi igandeetako denborak ba­­tu­ta, segundu bat baino gu­txi­a­goko aldearekin nagusitu zi­tza­ion Hondarribia, Zierbenari.
Hernaniarrak, Donostiarra traineruan aritu ziren, eta bos­garren izan ziren atzo; azken sailkapenean, zazpigarren.