Inpernuko ikuskizuna eskainiko dute Xabi Solano herritarrak eta beste hainbat artistak irailaren 29an. Ereñotzuko Auzo Udalak eta Olak Auzo Elkarteak antolatuta, frontoian izango da emanaldia, gaueko 22:00etan hasita.
Disziplina ezberdinak uztartzen dituen emanaldia izango da, dantza eta, bereziki, trikitixaren doinua protagonista izango dituena.
Sarrerak, etzitik salgai
Xabi Solano protagonista duen emanaldiaz gozatu nahi duenak, aurrez hartu ahal izango ditu sarrerak, etzitik, astelehenetik aurrera.
Bi aukera izango dira: Ereñotzun bertan erosi daitezke, Auzo Udalean, baita Hernanin ere, Biterin. Prezioa: 12 euro.