Buruhaundien atzetik eztanda, festek

Biharkoa da Hernaniko pa­troi edo zaindariaren, Zikuña­ga­ko Amaren eguna, eta ha­ren omenez, festa giroan mur­gil­du­ta dabiltza auzoan.

Asteazkenean hasi ziren hain­bat txapelketarekin, bai­na gaurtik igandera egingo di­ra ekitaldi potoloenak. Atzo bertan behera geratutako es­ku pelota txapelketa 12:30etan jokatuko da, eta gero, 17:00e­tan ha­si­ko dira buruhaundiak, au­zo­ta­rrak festaren erritmora dan­tzarazten, Las Pu‘n’tillo musika taldearekin. Segidan, sei urte­tik behe­rakoentzako moto laster­ke­ta, txokolatada eta mu­sika izango dira, eta giro ona gauean luzatuko da.

Bihar eta etzi, berriz, egun osoan izango da festa: jolasak, tortila lehiaketa eta sagardo dastaketa, danborrada... 

EGITARAUA
12:30, Esku pelota txapelketa (euriagatik, atzo bertan behera utzi zen).
17:00, Buruhaundiak, Las Pu’n’tilloren musikarekin alaituta.
18:30, Moto lasterketa, 6 urtetik beherakoentzat (kaskoa eta motoa eraman).
Ondoren, Txokolatada.
21:00, Playback lehiaketa.
Ondoren, Zikuñaga Music Factory.
00:00, Karaokea.