Atzokoa izan zuten estreinako eguna, Zikuñaga auzoko jaiek; eta gaur bertan emango diete segida, beste hiru zitarekin, arratsaldean.
Haurren Esku Pelota Txapelketa jokatuko dute aurrena, eguraldiak laguntzen badu, auzoko frontoi txikian. Arratsaldeko 16:30etan hasiko da.
18:00etan, berriz, ipuinekin daukate zita haur eta gaztetxoek. Izan ere, Apaxi ipuin kontalaria izango dute bisitan auzoan, makina bat abentura eta pasadizorekin.
Eta ipuinak bukatzean, jolasak izango dira protagonista: Altxorraren Bila ariko dira, auzoan zehar.
Haurren moto lasterketa berezia, bihar arratsaldean
Ekintza gehiago izango dira bihar arratsaldean, asteburu potoloari bidea egiteko: buruhaundiak Las Pu‘n’tilloren musikarekin, 6 urtetik beherakoen moto lasterketa berezia, txokolatada, playback lehiaketa, Zikuñaga Music Factory...