Aurreneko tailer irekia gaur, harrobiko aisialdi gunea diseinatzen hasteko

Santa Barbarako harrobiko hustutze lanak bukatuta, fase berri bati eman zion hasiera Hernaniko Udalak: eraba­ki­tzea nolakoa izango den bertan egingo den aisialdi gunea.
Horretarako, SB Harrobira! partehartze prozesua jarri dute martxan, eta lau tailer egingo dituzte, irailean eta urrian zehar, herritar guztiei irekita. Gaur bertan izango da au­rre­neko saioa, Biterin, arratsal­de­ko 19:00etan hasita. Bertan, harro­bi­ko ego­e­raren eta mu­gen berri eman­go dute. 
Deituko duten bigarren saioan, berriz, harrobiaren era­­bi­lera posibleak propo­sa­tuko dituzte, eta bideragarriak diren hausnar­tuko dute; eta aldiz, partehartze prozesuaren azke­neko bi tailerrak, eraba­ki­tzeko izango dira. 
Gerora, aza­ro­an osatuko dute behin betiko txostena, eta emango dituzte beha­rrezko pau­soak, eraba­kiak gauzatzeko.
Herritar guztiei luzatu die gonbitea Udalak, tailerretara gerturatu eta parte hartzeko: «helbu­rua da herritarrek eta elkar­teek partehartze akti­boa iza­tea prozesuan, eta ko­lek­ti­bo guztien interesak eta ideiak izango dira ongietorriak», ani­matu dituzte.