‘Latxe’ haurrentzako aldizkari berria, kalean

Kalean da Latxe, haurren­tza­ko aldizkari berria, Kronikak argitaratu berri duena. Hilean behin, Burrun­tziren abentu­re­kin gozatu ahal izango dute, etxeko txikienek.

Izan ere, Burruntzi da La­txeko protagonista. Ereñotzu­ko Latxetik abiatuta, Urumea bailarako txokoetan barrena ibiliko da, bailarako ondarea, ohiturak, ezaugarriak eta ahozkotasuna ezagutuz. Nola? Jolasekin, denborapasekin, istorio eta bitxikeriekin...

Aurreneko abentu­ra hone­tan, ezagutuko ditu Ereño­tzu­ko Latxe eta Zepadiko putzua, Herna­ni­ko parke botanikoa eta ige­rileku irekiak, Astiga­rra­gako astigarrak, Aranoko Santio jaietako tortilla lehia­keta, eta Goizuetako base­rri­ak. Bidean, lagunak ere egingo ditu Bu­rruntzik; dortoka eta katta­gorria, esate baterako; baina kontuz ibili beharko du erbi­ñudearekin!

Harpidetza, urtean 24 euro
Latxeren estreinako alea, dago­eneko eskuragarri dago Dobera-Kronikaren bulegoan (Larramendi 11, behea), 2 eu­ro­an. Eta urte osoko harpi­de­tza (12 ale), 24 euro dira. 
Harpide edo Kronikalari txiki egiteko, hiru bide dau­de au­keran: 943 33 08 99 tele­fo­no zenbakira deitu, Dobera-Kro­ni­­ka­ren bulegotik pasa, edo idatzi latxe@kronika.eus hel­bi­dera. Horrela, zure betiko Kronika puntuan jasoko duzu hilero, Latxe aldizkaria!