«Aisialdi alternatiboa eskaintzen dugu»

Tailer moduan erabiltzen du­te askok Iker Inzak Etxeberri au­zoan daukan Distopia Ga­mes denda. Trokelean etor­tzen di­ren piezekin miniaturak erai­ki­tzen dituzte, eta eskuz mar­gotu, gero. «Jendea etorri, eta margotu egiten du», dio Inzak.
Era berean, noizean behin txapelketak antolatzen dituz­te. Abuztuan, Magic karta jo­koa ezagutzeko aukera eman zuen, adibidez. Donostiako Valhalla elkarte ludikoarekin elkarlanean aritzen da ho­rre­la­koetan. «Aisialdi alterna­ti­boa eskaintzen dugu. Jende as­ko mugitzen du honek; den­de­tako txapelketetan, hemen, 20 bat lagun, baina eskualde mailakoetan, 100dik gora!».

«Armada mota desberdinak eraiki daitezke (...), bakoitzak nahi duena sortzen du»

Hainbat unibertso eraikitzeko aukera
Kartak baino gehiago, minia­turak nahiago ditu Inzak. Hain­bat unibertso eraikitzeko aukera ematen duela azpi­ma­rratzen du. «Miniaturak eraiki, mar­gotu, eta unibertso des­berdinetan gudak irudikatzen dira. Etorkizunekoak, antzina­koak, fantasiazkoak... Esze­no­grafia guztia ere montatu egiten dugu».
Joko ezagunen artean, Star Warsen oinarritutako X-Wing edo fantasiazko futbola iru­di­katzen duen Blood Bowl ai­patzen ditu. «Kaja erosi, eta mi­niaturak eraiki behar dira aurrena. Beti dago hasierako kaja bat, margotu gabeko mi­nia­turak dauzkana, eta arau­dia. Baina gero, armada mota des­berdinak eraiki dai­tez­ke­e­nez, kaja txiki pila bat daude aukeran, eta bakoitzak nahi duen armada sortzen du».

Adinik ez
Miniaturekin aritzea nahiago badu ere, karta jokoak ere izaten dira. Magic: The Gathe­ring izan da abuztuko txapel­ke­tarako erabilitakoa. «Sobre­ak erosi, eta egokitzen zaiz­ki­zunekin zure karta-sorta sortzen duzu».
Monopoly, Risk edo Trivial bezalako jokoak gustoko di­tuzten asko engantxatzen dira joko berri hauetara ere, eta Inzaren esanetan, ez dago adi­nik: «batezbestekoa 16 urte­ta­tik 55 urtera artekoa da!».

X-Wing miniaturekin txapelketa, igandean

Denda mailako Magic Txa­pelketa antolatu zuen abuz­tuan Distopia Games den­dak, eta ez da antolatzen duen bakarra.
Batzuetan, Hernaniko den­dan bertan egiten dira ho­rrelakoak. Baina beste ba­tzuetan, Donostiako Ba­lle­ne­ros kalean dagoen Valha­lla elkarte ludiko­a­re­kin bat eginda aritzen da. 
Hain zuzen, igande ho­ne­tan, 09:00etan, X-Wing mi­niaturen denda mailako txa­pelketa jokatuko da Val­ha­llan; seguru asko, 1.0an az­kenetarikoa. Izena eman be­har da aurretik, eta Dis­to­pia Gamesen egin daiteke.