Auzo Eguna hiru egunez luzatu dute, beste behin, Latsunbeberri eta Marieluts auzoetan, eta gaurkoa izango dute festetako azken eguna.
Bereziki, jan-edanarekin gozatzeko aukera izango da, aurreko egunetan xahututako indarrak berreskuratu ahal izateko.
Tortillak eta sagardoa, eguerdia girotzeko
Sukaldean ariko direnak mugitu beharko dute goiz: 11:00etatik aurrera entregatu ahal izango dira patata tortilla lehiaketarako aurkeztu nahi diren tortillak, txosnan. Irabazleentzat, bi lagunentzako afariak izango dira, Latsunbe, Tranbia eta Ilargi tabernetan
Ordu horretan bertan, 11:00etan, hasiko da pizza tailerra, Iturritxo Elkartean, eta baita Iturritxo Elkartearen esku pelota txapelketako finaleko partidua ere.
Gainontzekoek eguerdira arte lasai deskantsatu ahal izango dute, eta jaiki bezala, baita tripa bete ere! Izan ere, 12:30ak inguruan erabakiko du epaileak zein den tortilla goxoena, eta segidan, tortilla laguntzeko hamaika etxetako sagardoak probatu ahal izango dira. Eguerdiko 14:00etan bukatuko da festa.
EGITARAUA
11:00-12:00, Lehiaketarako patata tortillak txosnan entregatzeko epea.
11:00-12:30, Iturritxo Elkartea VI. Esku Pelota Txapeleketako finalak.
11:00-13:00, Pizza tailerra Iturritxo Elkartean (8 urtetik gorakoentzat).
12:00-12:30, Patata tortilla lehiaketako epaile ospetsuaren balorazioa eta sari banaketa.
12:30-13:30, Trikitilariak.
12:30-13:30, Sagardo dastaketa: Altzueta, Artola, Rufino, Akarregi, Alberro, Elorrabi, Otsuenea, Gurutzeta, Zelaia, Oialume Zar eta Itxas Buru.
14:00, Festen bukaerako etxafuegoa.