Erritmo onean hasi zituzten atzo, Latsunbeberri eta Marieluts auzoetako festak; auzotarrek Auzo Eguna deitu arren, hiru egunez luzatzen direnak. Etxafuegoen zartatekoen atzetik, perkusio tailerreko burrunbak entzun ziren.
Erritmoari segika gosea egin zutenek, sardina-jatearekin baretu zituzten bestelako burrunba hotsak, eta indarrak hartuta, dantzan segitzeko aukera izan zen, ordu ttikietan ere.
Bigarren eguna jolasekin hasiko da, goizeko 10:00etan: zaku lasterketa, zapi jokoa, mahai-futbola... izango dira aukeran, eta aldi berean, 10:30etatik aurera, marrazkiak egin eta erakusketa jarriko da. Sariak izango direla aurreratu dute.
Gainontzean, hainbat txapelketa eta tripa-betetze izango dira.
Txartel salmenta eta izenemateak, irekita
Hain zuzen, gaurko txapelketen artean, batean, aurretik eman beharko da izena: 16:30etan jokatuko den mus txapelketan. Bikoteko 15 euro balio ditu, eta txosnan eman behar da izena. Sari ederrak izango dira aurreneko lau sailkatuentzako: 12 txuleta eta 6 botila sagardo, txapeldunentzako; 6 txuleta eta 6 botila sagardo, bigarrenentzako; 2 untxi eta 2 botila ardo hirugarrenentzeko; eta 2 oilasko eta 2 botila ardo, laugarrenentzako.
Marrazki egile guztientzat izango dira opariak. Mus txapelketan, aurreneko lau bikoteek jasoko dituzte sariak.
Beste hainbat txapelketa ere jokatuko dira gaur: esku pelotan, ping-pongean edota tokan, besteak beste. Baina txapelketak alde batera utzita, denen artean ederki pasatzeko aukera ere izango da, gaueko 23:00etan hasiko den bingoan. Zezensuzkoak hartuko du bere tartea gero, gaueko 00:00etan.
Auzotar guztiek elkartuta tarte goxo bat pasatzeko beste aukera, eguerdian izango da: paella-jatea egingo da 14:00etan, eta horretarako ere txartela behar da: Iñaxin eta Ilargi tabernan daude, salgai. Txartel beharrik gabe, berriz, txokolate ederraz gozatu ahal izango da, 19:30etan, toka txapelketen ondoren.
Patata tortillak eta sagardoa, azken egunean
Bingoa eta paella-jatea bezainbeste jende biltzen duen ekitaldia, patata tortilla lehiaketa izaten da. Bihar, azkeneko egunean egingo da, urtero bezala. Goizeko 11:00etatik 12:00etarako tartea izango da etxean egindako tortillak txosnan aurkezteko, eta 12:30ak inguruan banatuko dira sariak, epaile ospetsuak balorazioa egin ondoren. Tortilla goxoenen egileentzat bina lagunentzako afariak banatuko dira, Latsunbe, Tranbia eta Ilargi tabernetan.
Azkenik, sagardo dastaketa eta trikitixa doinuekin borobilduko da ‘Auzo Eguna’, eguerdiko 14:00etan. Ordura arte, hamaika sagardo probatu ahal izango dira.
LATSUNBEBERRI-MARIELUTSEKO AUZO EGUNA EGITARAUA
Gaur:
10:00-12:00, Betiko jolasak: zaku karrera, zapi jokoa, mahai futbola.
10:30, Marrazkiak entregatzea, eta erakusketa balioanitzeko pistan (partaide guztientzat izango da saria).
10:30, VI. Iturritxo Elkartea esku pelota txapelketa.
12:00, Trikitilariak eta buru
haundiak, auzoan zehar.
14:00, Gazte nahiz helduentzako paella-jana, balioanitzeko pistan; txartelak salgai, Iñaxin eta Ilargi tabernan.
16:30-19:30, Puzgarriak eta ohe elastikoak, balioanitzeko pistan.
16:30, Mus txapelketa balioanitzeko pistan (aurrez izena ematea derrigorrezkoa izango da. Txosnan, bikoteko 15 euroan).
Sariak:
-Txapeldunek: 12 txuleta eta 6 botila sagardo.
-Txapeldunordeek: 6 txuleta eta 6 botila sagardo.
-3garren sailkatuek: 2 untxi eta 2 botila ardo.
-4garren sailkatuek: 2 oilasko eta bi botila ardo.
17:00, Ping pong txapelketa, auzoko teniseko pistan.
18:00, Haurren toka txapelketa balioanitzeko pistan.
19:00, Helduen toka txapelketa balioanitzeko pistan.
19:30, Txokolatada, balioanitzeko pistan.
20:30-02:00, Musika, balioanitzeko pistan: DJ Mikeltxi.
23:00, Bingoa.
00:00, Zezen suzkoa.
Bihar:
11:00-12:00, Patata tortila txapelketa (balioanitzeko pistako txosnara eraman beharko dira).
Sariak: 2 afari Latsunbe
tabernan; 2 afari Tranbia
tabernan; 2 afari Ilargi tabernan.
11:00-12:30, Iturritxo Elkartearen VI. esku pelota txapelketako finalak.
11:00-13:00, Pizza tailerra Iturritxo elkartean (8 urtetik gorako haurrak).
12:00-12:30, Patata tortila txapelketako sari banaketa.
12:30-13:30, Trikitixak auzoan zehar.
12:30-13:30, Sagardo probaketa balioanitzeko pistan. Partehartzaileak: Altzueta, Artola, Rufino, Akarregi, Alberro, Elorrabi, Otsua-Enea, Gurutzeta, Zelaia, Oialume Zar,
Itxas Buru.
14:00, festen bukaerako suziria.