Elkartasuna Elkartea sortu zuten 1901. urtean Goizuetako Udalak eta goizuetarrek Azkote mendia ustiatu eta mendi aprobetxamenduari lotutako zergak ez ordaintzeko. Gizartea eta gobernantza eredua asko aldatu dira ordutik, Udalaren ustez, eta horregatik, disolbatu egin nahi duela jakinarazi du.
Elkartea bera herritar guztiena denez, bilera informatiboa deitu du datorren ostiralerako, hurrengo pausuak azaltzeko. Arratsaldeko 18:30etan hasita izango da, Eskolako Jantokian. Herritar guztiak deitu ditu.
Ondasunak, Udalaren esku
Udalak egoki ikusten du Elkartea disolbatu eta bere izenean jartzea sozietatearen ondasunak. Hala, besteak beste, ondasun hauetan inbertsioak egiteko dirulaguntzak eskatzeko erraztasunak ere izanen lituzke.