Etxaferoa 19:00etan botako dute Latsunbeberri-Marieluts auzoetan, eta segidan, Musta perkusio tailerra egingo da. Iluntzeko 20:30etan, berriz, sardin-jatea izango da, eta 21:30etatik aurrera, musika.
Festa giroan emango zaio hasiera iraileko kultur agendari, baina gehiago ere izango da.
Izenematea eta txartelak, muserako eta paella jateko
Igandera arte luzatuko dira festak Latsunbeberri-Marielutsen, eta besteak beste, mus txapelketa egingo da bihar, 16:30etan. Izenematea irekita dago, txosnan. Aurretik, 14:00etan paella-jatea egingo da, eta txartelak salgai daude Iñaxin eta Illargi tabernan.
Festen erreleboa hartzen hurrena, Zikuñaga izango da, asteazkenean. Eta Euskal Jaiak egingo dira hilaren 13tik 16ra.
Azokak, musika eta ikastaroak
Bestelako ekintzen artean, azokak izango dira: gaur bertan, Erdi Aroko azoka hasiko da, eta bihar, Bigarren Eskuko Azoka egingo da.
Bestalde, ikasturte berriko ikastaroak martxan jartzekoak dira, eta izenemateak irekiko dira hil honetan zehar. Jabetze Eskolekoei dagokienez, hasierako kontzertua ere antolatu da, hilaren 28rako.
Musika emanaldiekin segika, Mikel Urdangarinek emango dio hasiera Hernani’n Musik zikloari, eta astelehenean jarriko dira salgai, sarrerak.
Berriak elkarteak, 25 urte
Ikuskizun, emanaldi eta bestelako gehiago ere izango da, eta tartean, ospakizun berezi bat: Berriak, Hernaniko Merkatari eta Ostalarien Elkarteak 25 urte bete izana ospatuko du 21ean.
Iraileko agenda
Abuztuak 31-irailak 2 Latsunbeberri eta Marielutseko Auzo Eguna.
Abuztuak 31-irailak 3 Erdi Aroko azoka. Antolatzailea: Hernani Errotzen.
1 Bigarren Eskuko Azoka, 10:30-13:30 Urbietan edo Atsegindegin.
3-7 Biteri kultur etxeko ikastaroetan aldez aurretik izena emateko epea, 09:00-13:00/16:00-20:00.
3-14 Auzo elkarteetan izaten diren haurrentzako tailerretan izena emateko epea.
5-9 Zikuñagako festak.
8 Kalez Kale Kantari, 12:00etan Plaza Berritik abiatuta.
11 Ipuin kontaketa, Hernani Erabaki. Kontalaria: Maite Franko. Biterin, 17:30etan 3-4 urtekoentzat eta 18:00etan 5-7 urtekoentzat.
13 Umorezko emanaldia: Bakean dagoena bakean utzi. Mirari Martiarena eta Idoia Torregarai. Biterin, 20:30etan. Antolatzailea: Euskara Ari Du.
14 Pirritx, Porrotx eta Marimotots, Atsegindegin. Antolatzailea: ‘Hernani’ Musika Eskola Publikoa.
14 Hernani’n Musik: Mikel Urdangarin. Margolaria. Biterin, 22:30etan. Sarrerak salgai (7 euro) irailaren 3tik aurrera.
13-16 Euskal Jaiak: abeltzaintza azoka, sagarra eta sagardoaren eguna, gazteen trikitixa txapelketa, dantzaldia...
20 Goiz Eguzki abesbatza: musika eta antzerkia, 19:30etan Biterin.
21 Hernaniko merkataritzaren festa. Antolatzailea: Berriak elkartea.
21-23 Mugikortasun Astea.
21 Kirol egokitua, 18:00-20:00 Biterin.
22 Patin festa.
23 Bizikleta festa, 09:30-12:00, Plaza Berritik aterata.
22 Karabel auzoko jaiak.
26 Ipuin kontaketa. Kontalaria: Pello Añorga. Biterin, 17:30etan 3-4 urtekoentzat eta 18:00etan 5-7 urtekoentzat.
27 Nahasteka. Dantza ikuskizuna: Microclimate. Lasala dantza konpainia. Biterin, 20:00etan. Sarrerak (7,50 euro), salgai, irailaren 17tik.
28 Leokako emanaldia, Jabetze Eskola hasteko, 22:00etan Leokan (euria eginez gero, atzeratu egingo da). Kantariak: Duo Do Porto. Antolatzailea, Berdintasun kontseilua.
28-30 Lizeaga auzoko festak erakusketak
3-14 Egur taila. Egilea: Maider Kalonje. Biterin, 18:00-20:00.
24-urriak 7 Elikagai zarrastelkeriaren aurkako erakusketa. Antolatzailea: Prosalus elkartea.
28-urriak 9 Eskultura. Egilea: Pedro Espada. Biterin, 18:00-20:00.