Datozen egunetan bueltatuko dira eskolara, Hernaniko ikastetxeetan. Urumea ikastolan, ostiral honetan hasiko dute kurtsoa, eta goizeko ordutegian ariko dira, irailaren 21era arte. Institutuan, berriz, aurkezpen eguna dute ostiralekoa: DBH 1 eta 3, 10:00etan; DBH 2 eta 4, 11:00etan; eta Batxilergoa 12:00etan. Eta gero, Inmakulada, Elizatxo eta Langilekoek bezala, irailaren 10ean hasiko dute ikasturtea; iraila osoan zehar, goizez ariko dira horietan guztietan.
Ostiralean daukate zita, ikasturteari ekiteko, bailarako gainerako herrietan ere: Ereñotzuko Txirrita eskolan, Astigarragako Herri Eskolan, eta Goizuetako Xalto eskolan, aranoar zein goizuetarrek.