Ikasturte berriarekin batera, laster izango dira martxan, Biteriko ikastaroak ere. Urrian hasiko dira ia denak, eta 40 ikastaro izango dira aukeran, aurten. Ez dira faltako ohiko ikastaroak, baina bada nobedaderik ere, aurten: yoga familian, 6-9 urteko haurrentzat eta beraien gurasoentzat; joskintza ikastaro labur bat; gazteentzako antzerki, argazkilaritza, zirko eta dantza ikastaroak; helduentzako antzerki ikastaro labur bat; edota ahozko narrazio tailerra.
Ikastaro guztiei buruzko informazioa eskuragarri dago, www.hernani.eus web orrian edota Biterin bertan; eta izena emateko epea ostiral honetan bukatuko da. Horretarako, Biterira joan behar da, goizeko 09:00etatik 13:00etara, edo arratsaldeko 16:00etatik 20:00etara. Plazak mugatuak dira, eta beraz, jende gehiago apuntatzen den ikastaroetan, zozketa egingo dute, datorren astelehenean, 12:00etan Biterin.
Plaza eskuratzen dutenek, irailaren 11tik 17ra egin beharko dute matrikula.