Munduko onenen artean izango da, beste behin, Amaia Irazustabarrena palista hernaniarra. Bartzelonan jokatuko den Munduko Txapelketarako deitu du Espainiako selekzioak, Maider Mendizabal taldekidearekin batera. Aurreko astean, selekzioaren seigarren deialdiko entrenamenduak egin zituzten Valentzian, eta horien ondoren konfirmatu zuten deialdia, selekzioko hautatzaileek.
Urriaren 14tik 20ra bitarte jokatuko da Pelotako Munduko Txapelketa, 14 herrialdetako 300 pelotarirekin, eta 30 metroko frontoiko modalitatean ariko dira Irazustabarrena eta Mendizabal, paleta goman.