Azken eguna, astelehena, eguzkipean goxo eta giro ederrean pasa zuten Ergobiako festetan. Idi probak, lagunarteko giroa eta zubiaren 500garren urteurrena izan ziren protagonista.
Zentimetro gutxiko aldea
Idi proban plaza bete jende izan zen, eta harriari begirik kendu gabe izan ziren denak, alde gutxi izan baitzen idi pare onenen artean. Telleriarenak irabazi zuen, 80 plaza, metro bat eta 35 zentimetro eginda, eta Olidenena izan zen bigarren, 80 plaza eta 75 zentimetro eginda. Hain zuzen, Iñaki Oliden izendatu zuten itzai onena. Atzerago ibili ziren Olazarrenak (69 plaza, metro bat eta 90 zm), Arzadunenak (67 plaza eta 2m), eta Artolarenak (64 plaza).
Laiotz musika taldeak girotu zituen azken orduak, gero, eta bukatzeko, zezensuzkoa eta su artifizialak izan ziren, Ergobiako zubiaren 500 urteak ospatzeko.
Zubiko edo plazako lurrekoekin, harriz harri, auzoa herri bihurtu duenik bada; ergobiarren nortasuna duten festak giro ederrean gozatuta, hurrengo urtera arte agurtu dituzte bertakoek, eta baita besozabalik hartzen dituzten bisitariek ere.