Azstigazte programaren barruan, bi lehiaketa jarri ditu martxan Astigarragako Udalak, «gazteen garapen pertsonala» helburu. Helburua da, besteak beste, gai zehatz bati buruzko jakinmina sortu, informazioaren bilaketa eta lorpenerako motibazioa sustatu, lanerako gaitasuan garatu eta jendaurrean aurkezpenak egiteko konfiantza haunditzea.
Bi gai aukeran, Buruntzaldeako gazteek
Bi lehiaketetan hartu dezakete parte Buruntzaldeako gazteek, bi mailatan: 12-14 urte artekoenean edo 14-18 artekoenean. Bakarka edo taldeka aurkeztu daitezke lanak, eta taldeen kasuan, nahikoa da kide bakarra izatea Buruntzaldeakoa.
Proposatzen diren gaiekin lotutako idatzizko lana eta irudia aurkeztu behar dira. Aurreneko lehiaketaren kasuan, gaia, ‘Ergobiako zubia’ da, eta urriaren 14ra arte aurkeztu daitezke lanak. Bigarrenarena, berriz, ‘Maitasuna eta laguntasuna’ da, eta abenduaren 13ra arteko epea dago aurkezteko.
Lanak Astigarragako udaletxean aurkeztu behar dira. Sariak, 200 edo 400 eurokoak dira.