Enaitz Goñiren bolada onak ez du etenik

Seitik sei. Enaitz Goñik beste zeharkaldi bat irabazi berri du. Larun­batean, Atlético San Sebastián taldeak antolatzen duen Irlako Zeharkaldia irabazi zuen infantil mailan. Garaipen onekin Gipuz­koako Liga ere boltsikoratu du eta oraindik beste bi proba geratzen dira itsas denboraldia amaitzeko; Bermeon, Salomé Campos eta Donostian, Badiakoa. Nagusien mailan bederatzi hernaniarrek hartu zuten parte eta azkarrena Luis Goñi izan zen, sailkapen orokorrean bosgarren postua lortuta, eta bere mailan, lehenengoa. 3.000 metro pasa egin behar izan zituzten irlari buelta osoa emateko. Itsasoa zakarra zegoen eta 40 minututik gora behar izan zituen lehenengoak, Ion Mujika bergararrak, bukatzeko.