Ligan zehar badirudi seigarrena izan dela haien postua, eta tendentzia horri jarraituz, seigarren bukatu dute Hernaniko Arraun Elkarteko Maialen traineruko neskek ETE Liga. Donostiarrak irabazi du Liga, eta bere atzetik geratu dira Hibaika eta Deustu.
Colindresen ere, seigarren
Hain zuzen, herenegun jokatu zuen azkeneko jardunaldia Maialen traineruak. Colindresen, Cantabrian, izan zuen zita, eta bertan ere seigarren egin zuen, erlojupean 11:45,14 denbora eginda. Han ere, Donostiarra izan zen garaile, 11:12,68ko denborarekin.
Hurrengo zita, Donostian
Hernaniko neskek Donostiako Kontxako sailkapen-estropada dute hurrengo erronka; ostegunean jokatuko da, 17:30etan hasita.