IRITSI da azkeneko eguna; gaur agurtuko dituzte ergobiarrek auzoko festak. Omenaldi berezi batekin egingo dute aurtengoan; 500 urte bete ditu Ergobiako zubiak, eta garai batean izandako garrantzia ekarriko dute gogora, jaien bukaeran. Aurretik, idi-demen sari nagusia jokatuko da.
Atzokoan, aldiz, sagardoen saria jaso zuten hiru sagardotegik: Alorrenea izan zen garaile; Irigoien eta Oialume Zar izan ziren bigarren eta hirugarren, hurrenez hurren.
GAURKO EGITARAUA
Idi-demen eguna
12:00, Tximela S.A.k babestuta idi-demen Ergobia LIV Sari Nagusia. Lehenengo txanda honetan hiru partehartzaile arituko dira.
Aurtengo gonbidatuak izango dira: Telleria, Hernanikoa; Artola, Oiartzungoa; Arzadun, Aiakoa; Olazar, Lezokoa; Oliden, Oriokoa.
14:30, Denok karpa azpira bazkari ofizialaz gozatzera, Bixente soinu-jolea lagun dugula.
Honako hau izango da menu: fritoak, Iberiko sorta, zapoa plantxan eta azpizuna entsaladarekin.
18:00, Idi-proben bigarren txanda jarraian. Beste bi partehartzaileak jarriko ditugu lanean. Ondoren, sari banaketa egingo dugu.
19:30, Laiotz taldea.
23:00, Zezen suzkoa su artifizialak Ergobiko zubiaren eraikin historiko honen 500 urteak ospatzeko.
Ondoren, Laiotz jaien amaierara arte.