Urtero bezala, egun pasa eder batekin emango diote bukaera udarari Osiñagako auzotarrek. Biarritz bisitatuko dute oraingo honetan, irailaren 2an, gaur zortzi. Goizeko 09:00etan autobusa hartu eta Iparraldeko hirirantz abiatuko dira. Hamaiketakoa, Azkainen egingo dute eta ondoren, hiria bisitatuko dute, bakoitzak nahi duen bezala. Bazkaria Guernika jatetxean egingo dute, Biarritzen bertan. Ohi bezala, autobusa auzo elkarteak ordainduko du; bazkaria, aldiz, norberak: helduek, 30 euro; haurrek, 15 euro. Gaur arte eman daiteke izena; horretarako, Auzo Elkartearen batzordeko kideren batekin jarri behar da harremanetan.