Bartzelonara aurreneko irteera, trikololoreek

Hiru aste besterik ez dauzkate Hernani Errugbi Elkarteko gi­zonezko seniorrek indarrak hartu eta gogor entrenatzeko, irailaren 16an hasiko bai­tute Ohorezko Mailako 2018-2019 denboraldiko Heineken Liga. 2012ko apirilean aurre­ne­ko mailara igo zirenetik, be­de­ra­­tzigarren liga izango dute aurtengoa. Eta hasteko, talde aski ezaguna bisitatuko dute: Bartzelona. Baina lehenago, gaur bertan, Mauleren kon­tra­ko lagunar­tekoa jokatuko du­te, 17:00etan Landaren.

Ordiziaren kontra berriro ere, 10. jardunaldian
Ohi bezala, zozketa bitartez osatu zuen egutegia Espaini­ako Errugbi Federazioak uz­tailaren 25ean. Nahiz eta zorteak agindu, bitxikeriak ere izan dira. Nabarmenena: aur­ten ere, 10. eta 21. jardunal­dietan jokatuko du Hernanik Ordizia­ren kontra; joanekoa Ordizian izango da, abendu­aren 2an, Euskararen Eguna­ren atarian. Bueltakoa, Ligako azkenau­rreko partidua izango da, eta Landaren jokatuko dute; api­rilaren 7an izango da.

Baina hori ez da Ligako euskal derbi bakarra izango. Iaz hiru izan ziren, baina Getxo kategoriaz jaitsi denez, Ordiziaren eta Gernikaren aurkakoak besterik ez dituzte izango hernaniarrek.
Gernikaren aurkako norge­hiagokek Hernanin hasiko dute ibilbidea. Zazpigarren jar­dunaldian izango dute joa­nekoa, azaroaren 5ean; eta buel­takoa, aldiz, otsailaren 24an izango da, Gernikan.

Hilabeteko atsedenaldia, gero
Hain zuzen, partidu horren ostean izango dute atsedenik luzeena. Lau astez partidurik gabe egon ondoren, martxo­aren 24an izango dute 19ga­rren jardunaldiari dagokiona. 

Dena den, atsedenaldi luzearen arrazoia ez dira Aste Santuko oporrak, aurrekoetan gertatu izan den bezalaxe. Izan ere, aurten, Aste Santuen aurreko asteburuan bukatuko da Liga, apirilaren 14an, au­rreko urtean baino astebete lehenago. 

Errege Kopako final laurdenak, aurreneko bueltarekin
Aurten ere, aurreko urteko al­da­ketari eutsiko diote Errege Ko­pari dagokioenean. Final laurdenetarako emai­tzetara­ko, Ligako joaneko partiduen emaitzak hartuko dira kon­tuan, bakoitzak bere multzoko kideekin jokatzen dituen par­tiduetakoak. Herna­ni­ren ka­su­an, La Vila eta Ger­nikaren kontra jokatzen dituz­ten nor­gehiagokek balio bi­koitza izan­go dute; alde batetik, Li­gako sailkapenerako balioko dute, eta bestetik, Errege Ko­pa­rako.

Emaitza horiek kontuan hartuta, multzo bakoitzeko onenak pasako dira Errege Kopako semifinaletako parti­duetara. 

ERREGE KOPA
Final laurdenetako multzoak

1. multzoa: Cisneros, VRAC Valladolid eta Bartzelona.
2. multzoa: Alcobendas, Santboiana eta Burgos.
3. multzoa: La Vila, Hernani eta Gernika.
4. multzoa: Independiente Santander, Ordizia eta El Salvador.

Ligan beraien artean jokatzen dituzten partiduen emaitzak hartuko dira kontutan, eta multzo bakoitzeko onena pasako da semifinaletara.

OHOREZKO MAILA, 2017-2018 DENBORALDIA
Hernaniren egutegia

1. jardunaldia:
Bartzelona-Hernani 
Irailak 16

2. jardunaldia:
Hernani-Cisneros
Irailak 23

3. jardunaldia:
La Vila-Hernani
Irailak 30

4. jardunaldia
Hernani-Burgos
Urriak 7

5. jardunaldia:
Hernani-VRAC Valladolid
Urriak 21

6. jardunaldia:
Santboiana-Hernani
Urriak 28

7. jardunaldia:
Hernani-Gernika
Azaroak 5

8. jardunaldia:
Alcobendas-Hernani
Azaroak 11

9. jardunaldia:
Hernani-Independiente
Azaroak 25

10. jardunaldia:
Ordizia-Hernani
Abenduak 2

11. jardunaldia:
Hernani-El Salvador
Abenduak 9
12. jardunaldia:
Hernani-Bartzelona
Abenduak 16

13. jardunaldia:
Cisneros- Hernani
Abenduak 23

14. jardunaldia:
Hernani-La Vila
Urtarrilak 13

15. jardunaldia:
Burgos-Hernani
Urtarrilak 27

16. jardunaldia:
VRAC Valladolid-Hernani
Otsailak 2

17. jardunaldia:
Hernani-Santboiana
Otsailak 17

18. jardunaldia:
Gernika-Hernani
Otsailak 24

19. jardunaldia:
Hernani-Alcobendas
Martxoak 24

20. jardunaldia:
Independiente-Hernani
Martxoak 31

21. jardunaldia:
Hernani-Ordizia
Apirilak 7

22. jardunaldia:
El Salvador-Hernani
Apirilak 14