Aspalditik datorren eztaibaida, hain zuzen, Elio-enea eta Larraburu baserrietako lurrena, eta badirudi bukatutzat emango dela. Izan ere, Donostiako Udaleko Tokiko Gobernu Batzordeak hala erabakita Astigarragako Udalak laster jasoko ditu: «adierazitako lurrak udal erregistroan izendatuko ditu 37 hektareak (37 futbol-zelai baino gehiago, luzeeran)», azaldu du Udalak prentsa-ohar bidez.
1987tik datorren eztabaida
Oharrak dioenaren arabera, «1987tik datorren eztabaida da, gure herriaren desanexioa hasi zeneko». Herri independente gisa eratu zenetik, «alkate astigartar guztiek Donostiako Udalari idatzia igorri diote Larraburu eta Elio-eneako lurrak emateko».
Legegintzaldi honetan, gainera, pauso bat aurrera egin dute: «EH Bildu eta EAJren aldeko botoekin, lurren erreklamazioa auzibidetik egitea».
Kontu ekonomikoak argitu beharko dira orain, hain zuzen, Donostiako Bigarren Zinturoia eraiki zeneko kontuak.
Arrazoia, Astigarragari
Hori horrela, Euskal Autonomia Erkidegoko Auzitegi Nagusiak gaia aztertu eta Astigarragako Udalaren alde egin zuen. Auzitegiak zilegitasuna eman zion Astigarragako Udalari Larraburu eta Elio-enea inguruko lurrak udaleko erregistroan izendatzeko. Eta halaxe egingo dute, laster.
Kontu ekonomikoak eztabaidan, orain
Lurrak errekuperatuta, kontu ekonomikoak argitu beharko dira orain, hain zuzen Donostiako Bigarren Zinturoia eraiki zeneko kontuak.
Izan ere, errepide hori egiteko «lur horiek desjabetu behar izan zirenean, Donostia izan zen desjabetzearen dirua jaso zuena».