Aurreko bi urteetan baino beranduxeago, baina hemen daude, beste behin ere, Ergobiko jaiak! Ostiralean lehertuko da festa, eta ohi bezala, astelehenera arte luzatuko da.
Txupinazoarekin emango diote hasiera festari ostiralean bertan, 16:00etan. Omendua aurretik jakin gabe hasi ohi dira festak urtero, eta aurten ere, hala izango da. Beraz, Ergobira joan behar izena jakiteko!
Ondoren, haurrentzat jolasak, txokolatada, apar festa... denetarik izango da!
Afaria izango da, gauez, eta zezen suzkoarekin, giza probarekin eta DJ Mikeltxiren erritmora bukatuko da festa, aurreneko egunean.
EGITARAUA
ETZI, OSTIRALA
16:00, Jaien hasiera txupinazoarekin.
Jarraian, haur jolasak adin guztietako umeentzat, partehartzaile guztientzako opariekin. Puzgarriak eta Apar Festa DJ Mikeltxiren musikarekin.
Txokolatea eta txurroekin emango diote bukaera arratsaldeari. Lete-Enea etxeko esku paregabeek prestatuta.
20:00, Basculas Samsoren eskutik, jaietan parte hartuko duten idi eta
zaldien pisaketa egingo da plazan.
21:30, Lumagorri oilasko-jatea entsalada mistoarekin, gazta, intxaurrak, irasagarra, edariak eta kafea karpan.
23:00, Zezen suzkoa.
23:30, Giza-proba Ergobiko Gira buelta taldea beste bi astoren aurka lehiatuko da.
00:30, DJ Mikeltxi