Lan ikaragarria egin berri dute neskek, Urumeako uretan. Emakumezkoen Aste Nagusiko II. Bandera jokatu berri dute, Donostian, Mundaiz zubiaren paretik aterata, eta laugarren egin dute.
Estropada 11:00etan hasi da, baina aurretik, minutu bateko isilunea gorde dute arraunlari eta zaletuek, bart hil den Ondarroako arraunlari baten omenez.
Erlojupeko proban hasi dira gero, bederatzi ontziak. Joan-etorrian, bi ziaboga egin behar izan dituzte neskek. Azkarrenak, etxekoak izan dira. Donostiarra bikain aritu da, eta 10:28ko denborarekin, bandera etxean geratzea lortu du. Atzetik sailkatu dira, podiuma eginez, Hibaika (10:37) eta Deusto (10:43). Hernanik ia-ia lortu du aurreneko hiru postuetarako bideratutako sarietako bat. Izan ere, laugarren egin du, hirugarrenetik segudundu bakarrera; 10:44. Gero sailkatu dira Kaiku (10:45), Tolosaldea (10:52), Colindres (11:07), Lea Artibai (11:12) eta Lapurdi (11:33).
Gaurkoa, ETE Ligako 10garren estropada izan da, eta bihar, Deuston izango dute hurrengoa, goizeko 11:30etan.