Azken eguna ere umoretsu, Peñarekin

Umore Ona Peñak sasoi betean helduko dio parrandari gaurkoan, Goizuetako Ama­bir­jin jaien azken eguna bada ere. Goizeko 08:00etako en­tzi­e­­rroaren ondoren tarte bat izanen da, prestaketa la­ne­ta­ra­ko. Baina gero, azken in­da­rrak xahutu arteko pa­rranda giroa izanen da na­gusi.

Eguerditik gauera, etenik ez
Peña eguerdiko 12:00etan ate­rako da ikastolako taber­na­tik. Ordu berean, Goizueta eta Aranoko pilotarien arteko due­loa eginen da. Segidan, Igandea txarangak jarriko du fes­ta, eta bazkaritarako joa­nen dira denak, gero. 

Arratsaldean, txaranga, dan­tzaldi, kalejira eta zeze­ne­kin, gaueko ordu ttikietara arte, edo gorputzak esan arte ja­rraitzeko aukera izanen da. 

GAURKO EGITARAUA

08:00, Entzierroa Lasturko zezenekin.
12:00, Umore Ona Peñaren irteera, Ikastolako tabernatik.
12:00, Umeen pilota partiduak: ohiturari jarraituz, Goizueta-Arano.
Ondoren, Igandea Txaranga.
14:30, Umore Ona Peñaren bazkaria, Ikastolan.
17:00, Umore Ona Peñaren kalejira, Igandea txarangarekin.
18:30, Zezenak Lasturren eskutik.
19:30, Dantzaldia Plazan, Iratzar taldearekin.
20:30, Bingoa Goittikiren alde, Ikastolan.
00:00, Festen bukaera ekitaldia udaletxe aurrean, Igandea txarangarekin.
Segidan, Iratzar taldearekin dantzaldia, Plazan.
Ondoren, DJ Bull Ikastolan, eta Igandea txaranga, kaleetan zehar.
AUTOBUSAK, Goizuetatik, 09:00etan (2) eta 18:00etan. Hernanitik, 10:00e­tan (2) eta 19:00etan. Bihar, Goizue­tatik, 09:00e­tan (2). Hernanitik, 10:00etan (2).