Zaildu egin zaizkio gauzak Endika Barrenetxea erremontista hernaniarrari, Buruz Buruko txapelketan. Lehian hasi eta aurreneko partiduak ihes egin zion azken zatian. Horrela, puntu bakarra bildu du, eta aurrera egitea ziurtatzeko, ezinbestekoa izango du gaur irabaztea.
Gaurkoan, ordea, ez du aurkari erraza izango: Urriza izango du aurrez aurre, txapelketa faborito moduan hasi duena. Hala ere, Urrizak berak ez du hasiera ona izan, Utergaren aurrean galduta, bi puntu bakarrik baitauzka.
Lehia bizia izango da beraz, 16:00etan hasita, Galarretan.