Mahai-jolas, maketa eta wargames motako jolasetan espezializatutako denda da, Etxeberri auzoan dagoen Distopia Games, eta hainbat txapelketa ere antolatzen dira bertan. Gaur bertan, adibidez, 16:30etatik 20:00etara bitartean, Magic Txapelketa jokatuko da. Debalde izango da, eta ez dira baztertuko edizio desberdinetako kartak. «Helburua da arratsalde dibertigarria pasatzea, giro atseginean, eta inguruko jokalariak ezagutzea», azaldu dute. Baina aurreneko sailkatuentzako sorpresaren bat izango dela aurreratu dute. Izena eman edo informazioa lortzeko, info@distopiagames.com helbide elektronikora idatzi daiteke.