Urrea eta brontzea Llopisek, Europakoetan

Europako Igeriketa Egoki­tu­ko Txapelketa jokatzen ari da aste honetan Dublinen, eta bertan ari da lehian Iñigo Llopis hernaniarra. Dagoe­ne­ko, bi marka eder lortu ditu.

Bi domina, Llopis hernaniarrak
Aurreneko domina txapelketa hasi zen egunean bertan, pa­sa den astelehenean irabazi zuen Llopisek. 

Estilo libreko errelebo­e­tan, 4x100 metrotan hartu zuen parte,  José A. Marí, Ariel E. Schrenck eta Sergio S. Mar­to­sekin batean. Denera, 4:00:75e­ko denbora egin zuten, 34 pun­tu bilduz. Horri esker, brontzezko dominak zintzi­li­katu zituzten lepotik.

Hurrengo domina, ordea, bakarka lortu du Llopisek, eta ez nolanahikoa, gainera. As­tear­tean, urrea irabazi zuen S8 motako 400 metro li­bre­e­tan, 4:40:78ko denbora eginda.

Itzulera ikusgarria
Igandean bukatuko da Eu­ro­pa­ko Igeriketa Egokituko Txa­pel­keta, eta honekin, den­bo­ral­diaren amaiera aldera iri­tsi­ko da Llopis.

Ez da urte erraza izan hernania­rra­rentzat, lesio luze batetik errekuperatu behar izan baitu. Baina indarrez bueltatu zen ekainean, Berlingo Mun­duko Serieetara. Bi errekor bota zituen orduan, eta uda osoan gora egiten ari da.