Ez dute greba mugagabea hasi, azkenean, Gipuzkoako hondartzetako sorosleek.
Azkenean, astearte iluntzera arte luzatutako bileran, ELA sindikatua Gurutze Gorria eta udalekin akordioa sinatzearen alde azaldu zen, nahiz eta erabakia biharamunera arte zintzilik geratu zen, sorosleen iritzia jaso arte. Hauek erabakia berretsi zuten atzo.
Akordioan jaso da, zerbitzua kudeatuko duen enpresa aldatuta ere, sorosleak urte batetik bestera mantentzeko aukera izatea, beti ere, dagozkien proba fisikoak gainditzen badituzte. Era berean, jaso dira antzinatasunari dagokion gehigarria kobratu eta datorren urterako, soldatetan hobekuntzak eragingo dituzten pleguak idazteko konpromisoa.
Sorosoleek greba deialdia bertan behera utzi ondoren, hondartzaz hondartza hitz egin beharko dute; oraindik ez dute erabaki horien berri eman.