Erabakigarria zen atzoko partidua Buruz Buruko Txapelketako finalerdian nor egongo zen jakin ahal izateko, eta dagoeneko badakigu. Endikaren kontra oso erraz irabazita (30-12), Urrizak lortu du jada finalerdian egotea. Aurreneko finalista izateko, aldiz, sailkapenean Utergarekin daukan lehia puskatu beharko du. Izan ere, Urrizak 10 puntu dauzka, eta beharrezkoa izango du Utergak hurrengo partiduan 27 puntu ez egitea, Ligaxkako aurreneko sailkatua eta finalista zuzena izateko. Hortaz, Txapelketak oraindik eman ditzake sorpresak!