Fabortioa zen hernaniarra, eta esperotakoa betetzen hasi zen Barrenetxea IV, Buruz Buruko bere aurreneko partiduan. Endika zuen aurkari.
Aurreneko zatian nahiko paretsu ibili ziren bi erremontistak, zortzina berdindu arte.
Bigarren bueltan Barrenetxea IV sakea hobeto aprobetxatzen hasi zen, eta 8 puntuko abantaila atera zion Endikari; 18-10. Bazirudien berea zela partidua.
Baina sakean egindako bi akatsek konfiantza galdu arazi zioten, eta Endikak aprobetxatzen jakin zuen. Pixkanaka aldea txikitzea lortu zuen, 23-17 eta 24-23, eta aurretik jarri zen, 26-27. Horrela lortu zituen garaipena eta lau puntu, eta hernaniarra, puntu bakarrarekin geratu zen.
Horrela, hernaniarrak beste galtzailearen kontra, Urrizaren kontra neurtu beharko ditu indarrak, larunbatean.
Gaurkoan, 16:00etan hasita ohiko erremonte jaialdia izango da Galarretan; ez da Buruz Buruko Txapelketako partidurik izango.