Egun haundia dute San Roke, Aranon. Txistulariek eta kanpai-hotsek emango diote hasiera egunari; 10:30etan San Roke ermitara kalejiran abiatu eta 11:00etan meza egingo da.
Bueltan herrira jaitsi, eta 12:15etan pelota partiduak jokatuko dituzte gazteek frontoian. Etxez etxe kalejiran abiatuko dira gero, berriro, eta Kontsejun bazkaria egingo da, 14:30etan. Bertan omenduko da Antonio Ezeiza Urruzmendi, 50 urteren bueltan kanpaiak astintzen daramakien kanpai-jolea.
Astigarragan, berriz, Santiomendiko ermitan egingo da festa; 11:00etako mezaren ondoren, Astigar taldeko dantzariek dantzatuko dute, eta bazkaria eta dantzaldia izango dira gero.