Berehalakoan lanera bueltatu behar izan bazuten ere, Goizuetako komertzioetako jabeek izan zuten atzo, fiesten hasieraz gozatzeko tartea, haiek bota baitzuten txupinazoa.
Ximon Apezetxea harakina izan zen aurreneko itxaferoa leher arazi zuena. Aurretik, baina, diskurtso ‘ttiki’ bat eman nahi izan zuen, eta balkoitik behera zintzilikatu zuen, muina gordetzen zuen mezua: «Eraso sexistarik ez!». Era berean, dei egin zien herritarrei, «herrian kontsumitzeko». Udalak ere bat egin zuen deialdiarekin, balkoian jarritako leloarekin: «Komertzioak bizirik, Goizueta bizirik». Era berean, eskualdeko Berdintasun Batzordearekin bat eginez, «Goizueta parekide, berdinzale, segurua eta justua eraikitzen jarraitzea ezinbesteko» jo du ohar baten bidez.
Bestalde, Altsasuko gazteak izan zituzten gogoan, festa hasi baino lehen.
Gaurkoan, berriz, Amabirjin Egunak emanen dio jarraipena festari.
GAURKO EGITARAUA
Amabirjin Eguna
07:30, Diana, dultzaineroekin.
08:00, Entzierroa, Lasturko zezenekin.
10:30, Meza Nagusia eta prozesioa.
12:00, Erraldoiak eta Buruhaundiak dultzaineroekin herrian zehar.
12:00, Pilota partiduak.
13:30, Igandea Txaranga.
17:45, Zezenak Lasturren eskutik.
19:00, Bertso saioa: Alaia Martin, Agin Laburu, Julio Soto eta Iker Zubeldia.
Ondoren, Igandea Txaranga.
20:30, Bingoa Goittikiren alde, Ikastolan.
21:30, Dantzaldia Ikastolan, DJ Mikeltxirekin.
21:45, Afari Herrikoia Umore Onan.
00:30, Kalejira.
Ondoren, Igandea Txaranga, herriko kaleetan zehar.
AUTOBUSAK, Goizuetatik 09:00etan (2), eta Hernanitik, 10:00etan (2).