Ergobiako jaiak abuztuaren 24tik 27ra ospatuko dira, eta tartean, hilaren 25ean, Ergobiako Krossa egingo da, goizeko 10:30etan hasita. Irekita dago izenematea, bertan parte hartu nahi dutenentzat: www.kirolprobak.com.
Lasterketak, guztira, 10 kilometro izango ditu, eta beti bezala, bi bueltako ibilbidea egin beharko da, Ordekazgain mendira igoera tarteko.
Guztira, 150 korrikalarirentzako izango da tokia. Txip horiarekin izena emateak 9 euro balio ditu; alokairuzko txiparekin, 12; eta egunean bertan izena emanez gero, 15 euro izango dira.