Asteburuan egindako lanari segida ematen saiatuko dira gaurkoan Hernaniko Maialen traineruako arraunlariak. Izan ere, asteburuan koxka bat gora egin, eta bi estropadetan bosgarren egin dute.
Gaur, ETE Ligako bederatzigarren estropadan ariko dira, Plentzian.
Bederatzi ontziren kontra, aurreneko txandan
Estropada goizeko 11:45etan hasiko da, eta ETB1 telebista katean ikusi ahal izango da, zuzenean.
Hernaniko trainerua aurreneko txandan aterako da, Colindres, Lapurdi, Lea Artibai eta Kaikuko ontziekin. Bigarren txandan ariko dira Tolosaldea, Deusto, Hibaika eta Donostiarra.
Plentziako XXX. Traineru Estropada honetan, bertako ikurriña ere irabaziko du, 1,5 milian zehar bi luzeak eta ziaboga azkarren egiten dituen ontziak.