Beste behin ere, deialdia egin du Orreaga taldeak etzirako, Askatasunaren Egunerako Herriak bizi behar du: egin dezagun aberri bidea lelopean. Eguerdiko 12:00etan jarri du zita Pasai Donibaneko santutxoan; lore-eskaintza eta irakurraldi historiko-politikoa egingo dute bertan, eta ondoren, plazara abiatuko dira ekitaldiarekin jarraitzera.
Urtero egiten duten ekitaldia da, eta bat egiten du 778. urtean izan zen Orreagako gudaren urteurrenarekin. Beren ustez, «han mamitu zen gerora hainbat mendean herri honek izan zuen erresuma independentea: Nafarroako Erreinua».
Ekitaldia aprobetxatuko dute aldarrikatzeko: «aberri bidea egin eta euskal estatu independetea antolatu beste aukerarik ez dugu. Bestela, jai dago. Bestela, gureak egin du». Horretarako, aberri bidea beraiekin egin nahi dutenei egin diete deia.