Asteburua indarrarekin hartu beharra daukate Hernaniko Arraun Elkarteko Maialen traineruko arraunlariek, jardunaldi bikoitza baitute aurretik. Gaur Hondarribian izango dira; bihar, aldiz, Ondarroan jokatuko dute.
Azkeneko sei jardunaldietatik bi
Sei jardunaldi geratzen zaizkie hernaniarrei ETE Liga bukatzeko, eta horietako bi izango dira gaur eta bihar. Gaur Txingudiko X. Bandera jokatuko dute Hondarribian, goizeko 11:30etan hasita.
Bihar, aldiz, Bizkaira joan behar izango dute; Ondarroan izango da hurrengo jardunaldia, 12:00etan hasita.
Asteazkenean, Amabirjin Egunean ere izango dute estropada, Plentzian.