Udalak argitaratutako hainbat diru-laguntza eskatzeko epea irekita dago oraindik. Abuztuaren 19an bukatuko da, herrian emakumeen eta gizonen arteko berdintasuna sustatzeko diru-laguntzak eskatzekoa. Negozioak martxan jartzeko gazteei bideratutako laguntzak, berriz, irailaren 3ra arte eskatu daitezke, eta irailaren 28ra arte, euskera ikasteko, merkataritza eta enpresen alorrean euskeraren erabilera sustatzeko, aisialdiko begirale edo zuzendari titulurako prestakuntza euskeraz egiteko, eta UEU eta udako unibertsitateko euskerazko ikastaroetarako.