Haur, gazte eta helduek festarako bete aitzakia bat izango dute hilaren 15ean: Santiomendiko jaiak ospatuko baitira, auzoan.
Goizean hasi eta iluntzera arte, jan-edana eta herri kirolak izango dira, denen gustorako.
Tortillak, sagardoa eta auzotarren arteko otorduak
Asteazkeneko jai egunari hasiera ematen aurrenekoak izango dira txistulariak, diana joko baitute 09:00etan.
Gero, jatekoak hartuko du protagonismoa. Goizeko 11:30etan hasita, tortilla lehiaketa eta sagardo dastaketa izango dira.
Eta jatekoarekin segitzeko, auzo bazkaria egingo da 14:00etan, eta auzo afaria, 21:00etan.
Herri kirolak, denen gustora
Eguneko beste ekitaldi nagusiak herri kirolen bueltakoak izango dira. Batetik, 12:00etan erakustaldia egingo da. Haur eta gazteen txanda izango da gero, 18:00etan, eta 19:00etan, toka txapelketa jokatuko da.