Amabirjinetarako prestatzen hasiak dira Goizuetan. Fiestak hilaren 12tik 18ra ospatuko dira. Baina aurretik, festa aurreko programazio kulturala prestatu dute, jai giroan murgiltzen hasteko. Hilaren 10 eta 11n izanen da.
Ipuin, erakusketa eta kontzertu
Labaderoa aukeratu dute eszenatoki bezala. Ostiral eta larunbatean fiestetako programa zaharren erakusketa ikusi ahal izanen da bertan, 18:30etatik 20:30etara.
Bestetik, ostiralean, INUN kontzertu akustikoa izanen da 22:00etan, helduentzat, eta larunbatean, 19:00etan, haurrentzako ipuina kontatuko du Maider Garin Bakerok: Paperezko gizon-emakumeak.
Gazte Egunerako kamixetak eta bazkari txartelak
Fiestetan, berriz, abuztuaren 14a izanen da Gazte Eguna, eta bazkarirako txartelak salgai daude dagoeneko, Amaia kafetegian: langileentzat 18 euroan, eta langabetuentzat 15 euroan. Aurten begetarianoentzako aukera ere izanen dela jakinarazi dute.
Bestalde, Gazte Eguneko kamixetak hartzeko bi data zehaztu dira: hilaren 10ean, 18:00etatik 19:00etara Plazan, eta 14an, Gazte Egunean, 10:30etatik 11:30etara, toki berean. Segidan, txupinazoaren aurretik, Altsasukoen aldeko argazkia aterako dute.