Larunbateko partiduan lortu zuen Azpirozek Buruz Buruko Txapelketa jokatzeko txartela, eta gaur bertan ekingo dio lehiari, Endikaren kontrako partiduan.
Eguerdiko 12:00etan aurkeztuko da txapelketa, Galarretan, eta Azpiroz eta Endikarekin batera izango dira bertan gainontzeko erremontistak: Urriza, Uterga, Barrenetxea IV, Endika eta Ezkurra II.
Lehiari hasiera emango dion partidua arratsaldeko 16:00etatik aurrera jokatuko diren partiduetan bigarrena izango da.
Prebiako finala, estua eta ona
Ansa II txapelketatik kanpo geratu da, larunbatean Azpirozen kontra 29 eta 30 galdu ondoren. Partidu ikaragarria jokatu zuten, erremonte erakustaldi bikaina. Ansa II hasi zen erritmoa jartzen, eta hiruna berdindu ondoren, aurretik jarri zen. Azpirozek, ordea, eutsi eta 20 eta 15ekoaren ondoren, aldea txikitzeari ekin zion, 25na berdintzeraino; baita 25-28 arretik jarri ere. Ansa IIk ez zuen etsi, baina azkenean, 29 eta 30ekoarekin, Azpiroz izan zen garaile.
Gaurkorako, larunbateko nekea gainditua beharko du, Endikari aurre egiteko. Partidu horren aurretik, Eloy-Zubiri eta Etxarri-Garcesen artekoa jokatuko da, eta ondoren, Zeberio II-Ion eta Uterga-Agirrezabalaren artekoa, eta Segurola-Larrañaga eta Juanenea-Zalduaren artekoa.