Lagunartekoak, taldeari neurria hartzen hasteko

Aurredenboraldia hasi be­rria dute CD Hernaniko futbol el­karteko mutilen gorengo taldeek. Aldaketak izan di­tuz­te, bai Nazional mailako Oho­rezk­o Jubenilek eta baita Oho­rezko Erregional mailakoek ere, eta beraz, taldeak egiteko daude oraindik.

Larunbatean jokatu zituz­ten aurreneko lagunarte­ko­ak, eta galdu egin zituzten biak.

«Aurreneko test modukoa izan da»
Eibar izan zuten aurkari, Na­zio­naleko Oho­rezko Jubeni­lek, eta 1-3 galdu zuten; Jon Irazak sartu zuen gola.

Aurten, Jordi Telletxeak klu­ba utzi du, Eibarko ema­ku­meen aurreneko taldea en­­trenatzeko, eta Unai Mun­­dua­te dute orain entrena­tzai­le. Hortxe dago gakoa: «bost entre­na­men­du bakarrik egin ditugu. Tal­dea berria da; bai joka­la­riak eta baita lan taldea ere. Iaz­ko jokalariak bi baka­rrik di­ra, eta gainontzekoak bi­ga­rren taldetik igotakoak. Joka­lariak ezagutzen ari gara. Par­tidu hau aurreneko test mo­dukoa izan da. Ka­li­ta­tez­ko entrenamendu bat».

Bereziki, lan defentsiboa egin zuten mutilek, Eibarrek dominatu baitzuen baloia. «Bagenekien maila haundia­goa zutela, eta gehiago entre­na­tu dutela».

Pixkanaka lan egitea dute erronka, eta hurrengo zita larunbatean dute; Zubipen berriro, 10:00etan, Vasconia­ren kontra.

Ohorezko Erregionalen par­­­tiduan, Elizaldek sartu zu­en Her­naniren gol ba­ka­rra; 1-4 galdu zuten Lagun Onaken kon­tra. Hauek ere, egon­kor­tzea dute hasierako erronka.