Hamaika hilabeteko jardueraren ostean, etorkizuna kolokan dauka Iruñeako Alde Zaharreko Maravillas gaztetxeak; hau da, «desalojo arriskuan dago», Kontrakantxa gaztetxeak azaldu duen bezala.
Egungo egoeraren berri emango du, eta azalduko ditu gerora aurreikusita dauzkaten ekintzak.
Hain zuzen, gertatzen ari den guztia azaltzeko, hitzaldi-solasaldia antolatu du Hernaniko gaztetxeak, Zer gertatzen da Maravillas gaztetxearekin? izenburupean. Asteazken honetan izango da, etzi, arratsaldeko 19:30etan hasita. Eguraldi onarekin, Tilosetan egingo dute, baina txarra eginez gero, Garin tabernan izango da.
Bertako kide bat, gonbidatua
Hitzaldi-solasaldi gisa egingo dute, eta horretarako, Iruñeako Maravillas gaztetxeko kide bat gonbidatu dute hernaniarrek. Kideak berak emango du egungo egoeraren berri, eta azalduko ditu gerora aurreikusita dauzkaten ekintzak zein diren.